7 აპრილს, საქართველოს ეროვნულ ოლიმპიურ კომიტეტში (მაჩაბლის 11) ჩატარდება სეოკ-ის სპორტსმენთა ფორუმი და საგანმანათლებლო-საინფორმაციო  სემინარი.

სემინარზე  განხილული იქნება სპორტისა და ოლიმპიური მოძრაობის აქტუალური საკითხები, კერძოდ სოკ-ის  სპორტსმენი 365 ონლაინ პლატფორმის 2023 წლის განახლებული რესურსები და სხვადასხვა თემატიკა. მონაწილეები  გაეცნობიან საინტერესო მასალას ოლიმპიური სისტემის, ანტიდოპინგური, სპორტსმენთა უფლება-მოვალეობების, გენდერული თანასწორობის, ასევე მაღალი მიღწევების სპორტსმენთა პოსტ-კარიერული პრობლემატიკის შესახებ.

სპორტსმენთა ფორუმს სპორტის ერთი სახეობიდან შესაძლებელია დაესწროს საქართველოს ეროვნული ნაკრები გუნდის წევრი  3 სპორტსმენი.

დასწრების მსურველებს გთხოვთ 20 მარტამდე  სეოკ-ის ელ-ფოსტის მისამართზე  info@geonoc.org.ge მოგვწეროთ შემდეგი ინფორმაცია:  სპორტსმენის სახელი, გვარი, სპორტის სახეობა, ელ-ფოსტა და ტელეფონის ნომერი.

სპორტსმენთა ფორუმის და საგანმანათლებლო- საინფორმაციო სემინარის მონაწილეებს გადაეცემათ სეოკ-ის სერტიფიკატები.