ემზარ ზენაიშვილი

1986-91 წლებში მუშაობდა სპორტსაზოგადოება "შევარდენის" თავმჯდომარის მოადგილედ და თავმჯდომარედ. შედიოდა საქართველოს ეროვნული ოლიმპიური კომიტეტის დამფუძნებელთა საინიციატივო ჯგუფში. სეოკ-ის გენერალური მდივანი 1991-2008 წლებში. 1997 წლიდან _ ევროპის ოლიმპიური კომიტეტის ორი კომისიის წევრი. სხვადასხვა დროს არჩეული იყო საქართველოს ჩოგბურთის, ხელბურთის, ჭადრაკის, ფეხბურთის ფედერაციების, სპორტულ ჟურნალისტთა ასოციაციის ხელმძღვანელ ორგანოებში. როგორც საქართველოს ოლიმპიური დელეგაციის ერთ-ერთი ხელმძღვანელი, მივლინებული იყო ზაფხულის ხუთ და ზამთრის ოთხ ოლიმპიურ თამაშებზე, სოკის სესიებსა და კონგრესებზე. სპორტულ ჟურნალისტთა საერთაშორისო ასოციაციის წევრი, რამდენიმე წიგნის ავტორი და რედაქტორი. საერთაშორისო ოლიმპიური კომიტეტის და ღირსების ორდენების კავალერი.