თომას ბახი ტოკიოს მსგავს მზადებას ვერ იხსენებს

28 ნოემბერი 2018

საერთაშორისო ოლიმპიური კომიტეტის (IOC) პრეზიდენტი თომას ბახი ვერ იხსენებს, რომ ოლიმპიური თამაშების მასპინძელი რომელიმე ქალაქი თამაშების დაწყებამდე ორი წლით ადრე ამდენად დაწინაურებულიყოს, როგორც ეს დღეს ტოკიოს შემთხვევაშია.

ტოკიო-2020-ის საორგანიზაციო კომიტეტის შტაბ-ბინაში სტუმრად მყოფი IOC-ის პრეზიდენტის განმარტებით, იაპონელთა ამგვარი მზადება ოლიმპიური თამაშების ორგანიზების ყველა ასპექტს ეხება.

საორგანიზაციო კომიტეტის ხელმძღვანელი იოშირო მორი დარწმუნებულია, რომ იაპონიის დედაქალაქში თამაშები წარმატებით ჩატარდება: „წარმატებული ოლიმპიური თამაშებისთვის ყველა ინგრედიენტი ადგილზეა. IOC-ს და მსოფლიოს ჩვენგან დიდი მოლოდინები აქვთ და ჩვენ მათ იმედს არ გავუცრუებთ."