თომას ბახმა პეკინის 2022 წლის ზამთრის ოლიმპიურ თამაშებში მონაწილეობისთვის მოსაწვევები დაგზავნა

05 თებერვალი 2021

საერთაშორისო ოლიმპიური კომიტეტის პრეზიდენტმა (IOC) თომას ბახმა პეკინის ზამთრის ოლიმპიურ თამაშებზე ვიდეომიმართვით ოფიციალურად მიიწვია რვა ქვეყნის ეროვნული ოლიმპიური კომიტეტი და მათი სპორტსმენები.

პეკინი-2022-ის დაწყებამდე ერთი წლით ადრე მოსაწვევები მიიღეს საბერძნეთმა, როგორც ოლიმპიური თამაშების ფუძემდებელმა, ტოკიო-2020-ის მასპინძელმა იაპონიამ, პარიზი-2024-ის მასპინძელმა საფრანგეთმა, მილანი და კორტინა დ'ამპეცოს 2026 წლის ზამთრის თამაშების მასპინძელმა იტალიამ, ლოს ანჯელესი-2028-ის მასპინძელმა აშშ-მ, ასევე ავსტრალიის და ნიგერიის ეროვნულმა ოლიმპიურმა კომიტეტებმა, რომლებმაც წინა ზამთრის ოლიმპიურ თამაშებზე, შესაბამისად, ოკეანიიდან და აფრიკიდან ყველაზე მრავალრიცხოვანი დელეგაციები გაგზავნეს.

შემდგომ IOC-მა ოფიციალური  მოწვევა გაუგზავნა სხვა წევრ ეროვნულ ოლიმპიურ კომიტეტებს, მათ შორის - სეოკ-ს.

პეკინი ზამთრის ოლიმპიურ თამაშებს  2022 წლის 4-20 თებერვალს უმასპინძლებს.