ბრიუსელსა და ათენში

02 ივლისი 2022

ამ დღეებში საქართველოს ეროვნული ოლიმპიური კომიტეტის წარმომადგენლებმა მონაწილეობა მიიღეს ორ ახალგაზრდულ საერთაშორისო ღონისძიებაში.

ბრიუსელში, ევროპის სპორტსმენთა მე-11 ფორუმზე, ევროპის ეროვნული ოლიმპიური კომიტეტების (NOCs) სპორტსმენები და მათი  წარმომადგენლები , ახალი იდეებისა  და ძირითადი გამოწვევების განსახილველად შეიკრიბნენ .

 შეხვედრის მიზანი- NOC-ის სპორტსმენთა კომისიების დაკავშირება და  ევროპული ქსელის გაძლიერება იყო.

საქართველოდან  ღონისძიებას ესწრებოდნენ ძიუდოისტი ეთერ ლიპარტელიანი     და სამთო-მოთხილამურე სოსო ჯაფარიძე.

გაიმართა ოლიმპიური სოლიდარობის, ოლიმპიური დღის წესრიგის 2020+5 და IOC   სპორტსმენთა მხარდასაჭერად შემუშავებული  პროექტების პრეზენტაციები  .

 მონაწილეებმა  ასევე მიიღეს  მხარდაჭერა Athlete 365-ის პრეზენტაციის მეშვეობით, სადაც მათ სპორტული კარიერის შემდგომ საქმიანობაში დახმარება აღუთქვეს.

საერთაშორისო ოლიმპიური აკადემიის ორგანიზებით ათენში ჩატარდა ახალგაზრდა ოლიმპიელი ელჩების 62-ე საერთაშორისო სესია.

განხილვის ორი ძირითადი თემა იყო; „ოლიმპიური მოძრაობა და ოლიმპიზმი ციფრულ ეპოქაში" და ასევე „ფიზიკური აქტივობის ხელშეწყობა ციფრული ჩართულობის სტრატეგიებისა და ვირტუალური სპორტის საშუალებით".

საქართველოდან სესიას ჩვენი წარმომადგენელი გვანცა ქიქავა ესწრებოდა.