დღეს საქართველოს ეროვნულ ოლიმპიურ კომიტეტში გაიმართა სეოკ-ის აღმასრულებელი კომიტეტის სხდომა, რომელსაც უძღვებოდა სეოკ-ის პრეზიდენტი ლერი ხაბელოვი.

სხდომაზე განიხილეს დღის წესრიგით გათვალისწინებული სამი ძირითადი საკითხი. III ევროპული თამაშების (21 ივნისი - 2 ივლისი, 2023 წელი, კრაკოვი, პოლონეთი) პროგრამისა და მასში მონაწილეობის შესახებ. სეოკ-ის აღმასკომმა თხოვნით მიმართა ევროპული თამაშების პროგრამაში შეტანილ სახეობათა ეროვნული ფედერაციების ხელმძღვანელებს, განსაკუთრებული ყურადღებით მოეკიდონ ნაკრები გუნდების თამაშებისთვის მზადებას. ითქვა, რომ წლის ბოლოს სეოკ-ის საანგარიშო სესიაზე მოისმენენ დეტალურ ინფორმაციას III ევროპული თამაშებისთვის საქართველოს დელეგაციის მზადების სპორტული და ორგანიზაციულ-ტექნიკური საკითხების შესახებ. აღმასკომმა დაადგინა, რომ III ევროპულ თამაშებში საქართველოს სპორტსმენთა მონაწილეობასთან დაკავშირებით შეიქმნას საკოორდინაციო სამუშაო ჯგუფი.

აღმასკომზე იმსჯელეს ქვიშის მსოფლიო თამაშებში (2023 წელი, აგვისტო, ინდონეზია) მონაწილეობის შესახებ. სეოკ-ის აღმასკომის დადგენილებით, სპორტის ქვიშის სახეობათა ასოციაციას ეთხოვა სეოკ-ის სპორტულ დირექტორატთან ერთად მოამზადოს წინადადებები ქართველ სპორტსმენთა ქვიშის მსოფლიო თამაშებში მონაწილეობასთან დაკავშირებით და შესაბამისი მოსაზრებები წარუდგინოს სეოკ-ს მიმდინარე წლის ბოლომდე.

დღევანდელ სეოკ-ის აღმასრულებელი კომიტეტის სხდომაზე დამტკიცდა ევროპის ახალგაზრდულ ოლიმპიურ ფესტივალზე ( 2022 წლის 24-30 ივლისი, სლოვაკეთი) საქართველოს დელეგაციის შემადგენლობა.

სლოვაკეთში ევროპის ახალგაზრდულ ოლიმპიურ ფესტივალზე საქართველოს ოლიმპიური დელეგაციის ხელმძღვანელად დამტკიცდა სეოკ-ის პრეზიდენტი ლერი ხაბელოვი, მისიის ხელმძღვანელად ოლიმპიურ სოფელში - სეოკ-ის სპორტული დირექტორი გიორგი ესაკია.

ევროპის ახალგაზრდული ოლიმპიური ფესტივალის გახსნის ცერემონიაზე საქართველოს დელეგაციის მედროშეებად დამტკიცდნენ: ევროპის ჩემპიონი ჭაბუკთა შორის ალექსანდრე ლოლაძე (ძიუდო) და ლიზი გრიგალაშვილი (ცურვა).

ევროპის ზაფხულის ახალგაზრდულ ოლიმპიურ ფესტივალზე (ბანსკა-ბისტრიცა, სლოვაკეთი 2022 წლის 24-30 ივლისი) საქართველოს დელეგაციის შემადგენლობა:

ოლიმპიური სოფელი

ცურვა

• ნოე ფანცხავა
• ლიზი გრიგალაშვილი
• ნოდარ მარგველაშვილი -მწვრთნელი

ველოსპორტი

• გიორგი მარსაგიშვილი
• ნიკოლოზ ცირეკიძე
• ნიკა ფირანიშვილი
• თამაზ კიკნაძე - მწვრთნელი
• ავთანდილ მიკუჩაძე - მწვრთნელი

ბადმინტონი

• გიორგი მჟავია
• ელისაბედ ზუმბულიძე
• მალხაზ მჟავია - მწვრთნელი

ჩოგბურთი

• ნიკოლოზ გურგენიძე
• ანასტასია პონომარიოვა
• თორნიკე კიკნაველიძე- მწვრთნელი

მძლეოსნობა

• ლუკა ზანაძე - ბირთვის კვრა
• ვაჟა მარტყოფლიშვილი - ბადროს ტყორცნა
• ქეთევან მამალაძე - ბადროს ტყორცნა
• ნოდარ კახელიშვილი - უროს ტყორცნა
• დავით მანთიძე - მწვრთნელი

სპორტული ტანვარჯიში

• დაჩი დოლიძე
• გეგა კასრაძე
• ელიზაბეტა ქორქია
• სოფიკო ბოდაველი - მწვრთნელი
• ილია ვაშაკიძე- მწვრთნელი

ძიუდო

• დავით ლომიტაშვილი - 55კგ
• დავით ქარელი - 60კგ
• თორნიკე მოსიაშვილი - 66კგ
• სანდრო ახლოური - 73კგ
• ალექსანდრე ლოლაძე - 81კგ
• არჩილ მამულაშვილი - 90კგ
• გიორგი ბადუაშვილი - 90კგ
• გიორგი ტაბატაძე - +100კგ
• ჯულიეტა როდონაია - 48 კგ
• მარიამ ფოცხვერაშვილი - 52 კგ
• ნინო ლოლაძე - 57 კგ
• ნინო გულბანი - 70 კგ
• გიორგი ყიზილაშვილი - მწვრთნელი
• გიორგი რევაზიშვილი - მწვრთნელი
• კახა მოცრაძე - მწვრთნელი

ადმინისტრაცია

• გიორგი ესაკია - მისიის ხელმძღვანელი
• რუსუდან აფციაური - ადმინისტრაციული პერსონალი
• თეონა ომანაძე - პრეს-ატაშე
• ლაშა მამრიკიშვილი - სამედიცინო პერსონალი

ოლიმპიური სოფლის გარეთ

• ლერი ხაბელოვი - სეოკ-ის პრეზიდენტი
• ემზარ ზენაიშვილი - სეოკ-ის გენერალური მდივანი
• რევაზ რობაქიძე - სეოკ-ის აღმასკომის წევრი
• თინათინ ბაღაშვილი - ბადმინტონის ფედერაციის პრეზიდენტი
• გიორგი კერესელიძე - საქართველოს კულტურის, სპორტისა და ახალგაზრდობის სამინისტრო
• მირზა ხაბარელი - ძიუდოს ფედერაცია