პარიზი-2024-ის საორგანიზაციო კომიტეტის ცნობით, მარსელი გახდება საფრანგეთის პირველი ქალაქი, რომელიც პარიზის ოლიმპიური თამაშებისთვის ოლიმპიურ ცეცხლს მიიღებს.

ოლიმპიური ცეცხლი ათენიდან აიღებს გეზს, ხმელთა შუა ზღვას ევროპის ერთ-ერთი უძველესი სამანძიანი ხომალდით - Le Belem (1896) გადაკვეთს და მარსელის პორტში შევა.

პარიზი XXXIII ოლიმპიურ თამაშებს უმასპინძლებს 2024 წლის 26 ივლისიდან 11 აგვისტოს ჩათვლით.