საქართველოს ჭიდაობის ეროვნული ფედერაციის ვიცე-პრეზიდენტი და საერთაშორისო კატეგორიის მსაჯი ედიშერ მაჩაიძე ევროპის ჭიდაობის გაერთიანების აღმასრულებელ კომიტეტში აირჩიეს.

ბრატისლავაში გამართულ გენერალურ ასამბლეაზე, აღმასკომის წევრთა არჩევნებში მიღებული ხმებით ერთ-ერთი მოწინავე იყო. მასზე არჩევანი 22-მა დელეგატმა შეაჩერა.

ევროპის ჭიდაობის გაერთიანების აღმასრულებელი კომიტეტი შედგება 7 წევრისგან.

აღსანიშნავია, რომ ედიშერ მაჩაიძე საქართველოს ჭიდაობის ისტორიაში პირველია ვინც ევროპის ჭიდაობის გაერთიანების აღმასრულებელ კომიტეტში აირჩიეს.

საქართველოს ეროვნული ოლიმპიური კომიტეტი ულოცავს ბატონ ედიშერს მნიშვნელოვან წარმატებას და უსურვებს შემდგომ წარმატებებს.