3 აპრილს, 19:00  საათზე თბილისის კინოს სახლში (ძმები კაკაბაძეების ქ. N 2)  შედგება საერთაშორისო კინოფესტივალების ლაურეატის, კინორეჟისორ  გოგი თორაძის სატელევიზიო ფილმის პრემიერა  „სოხუმი-თბილისი-სიდნეი," რომელიც ეძღვნება  სამგზის ოლიმპიურ ჩემპიონს, მეოცე საუკუნის საქართველოს საუკეთესო სპორტსმენს ვიქტორ სანეევს. ფილმი გადაღებულია  საქართველოს  ეროვნული ოლიმპიური კომიტეტის მხარდაჭერით.