საქართველოს ძიუდოისტთა ნაკრები ყაზახეთის გრან სლემს ცხრაკაციანი გუნდით ეწვია და ორი ბრინჯაოს მედალი მოიპოვა.

ჩვენი გუნდიდან მედალოსნები გახდნენ ზაურ დვალაშვილი (81 კგ) და საბა ინანეიშვილი (+100 კგ).

დვალაშვილმა აბუ დაბის გრან სლემის ვერცხლის და თბილისის გრან სლემის ბრინჯაოს შემდეგ, ყაზახეთის გრან სლემის ბრინჯაოს მედალი მოიპოვა. ქართველმა ძიუდოისტმა მესამე ადგილისთვის შეხვედრაში IJF-ის დროშით მოასპარეზე დავიდ კარაპეტიანს იპონით მოუგო.

თბილისის გრან სლემის ორი ბრინჯაოს მედალოსანმა საბა ინანეიშვილმა თავის კოლექციას ყაზახეთის გრან სლემის ბრინჯაოც შემატა. ქართველმა მძიმეწონოსანმა რეპეშაჟის ფინალში ასევე IJF-ის დროშით მოასპარეზე იბრაჰიმ მარგიევს იპონით აჯობა.