საქართველოს ეროვნული ოლიმპიური კომიტეტი აცხადებს კონკურსს საქართველოს I ახალგაზრდული ოლიმპიური ფესტივალის ლოგოს შესაქმნელად (ფესტივალი ჩატარდება 2026 წლის ივნისში, სპორტის 15-17 სახეობაში, 14-17 წლის სპორტსმენებს შორის,  საქართველოს  რეგიონების ნაკრები გუნდების მონაწლეობით).

 

1. კონკურსის პირობები

- კონკურსში მონაწილეობის მიღება შეუძლია ნებისმიერ მსურველს.

- ლოგო უნდა იყოს ვიზუალურად საინტერესო, ადვილად აღქმადი, ექსკლუზიური. 

- გამოხატავდეს ახალგაზრდული ოლიმპიური შეჯიბრების სულისკვეთებას.

- ადვილად თავსდებოდეს მედალზე, დიპლომზე, მაისურზე, ბრელოკზე და სხვა ბრენდულ პროდუქციაზე.

- შეიცავდეს წარწერას: საქართველოს ახალგაზრდული ოლიმპიური ფესტივალი GEORGIAN YOUTH OLYMPIC FESTIVAL. 2026 - ლოგოს ესკიზში არ უნდა იყოს გამოყენებული ოლიმპიური ხუთი რგოლი, ასევე - საქართველოს ეროვნული ოლიმპიური კომიტეტის ლოგო. 

- ლოგოს ესკიზი წარმოდგენილ უნდა იყოს JPG ფაილით და ვექტორული ვერსიით.

- თითოეულ მონაწილეს შეუძლია მაქსიმუმ ორი ესკიზის წარმოდგენა.

- კონკურსანტებმა თავიანთი ნამუშევრები უნდა გამოაგზავნონ ელექტრონულ მისამართზე: info@geonoc.org.ge

2. კონკურსის ვადები

- კონკურსი ცხადდება 2025 წლის 11 აგვისტოს.

- საკონკურსო ნამუშევრების მიღების ბოლო ვადაა 2025 წლის 11 სექტემბერი.

3. გამარჯვებულის გამოვლენის წესი და საავტორო უფლებები

- კონკურსში გამარჯვებულს გამოავლენს სპეციალური კომისია, რომელიც აფასებს  ნამუშევრის კონცეფციას და ვიზუალურ მხარეს.

- კონკურსის შედეგები გამოცხადდება 2025 წლის 15 სექტემბერს, საქართველოს ეროვნული ოლიმპიური კომიტეტის ოფიციალურ ვებ-გვერდზე და ფეისბუკზე.

- გამარჯვებული ლოგოს ავტორს გადაეცემა 1500 ლარი.

- კონკურსში გამარჯვებული ლოგო, საავტორო უფლებების დაცვით, გადადის საქართველოს ეროვნული ოლიმპიური კომიტეტის საკუთრებაში.

- დამატებითი ინფორმაციის მისაღებად შეგიძლიათ მიმართოთ საკონტაქტო პირს: 599 58 00 01.