საერთაშორისო ოლიმპიური კომიტეტის (IOC) აღმასრულებელი საბჭოს გადაწყვეტილებით, სინქრონული ციგურაობა საფრანგეთის ალპებში გასამართი 2030 წლის ზამთრის ოლიმპიური თამაშების ოფიციალური პროგრამის ნაწილი გახდა. ტურნირზე თითოეული გუნდი 9 მოციგურავის შემადგენლობით იასპარეზებს (Synchro9).

ციგურაობის საერთაშორისო კავშირის (ISU) პრეზიდენტმა, ჩჟე ელ კიმმა, IOC-ის ამ ნაბიჯს ისტორიული უწოდა: „დღეს მართლაც ისტორიული დღეა სინქრონული ციგურაობისთვის. ძალიან ვამაყობთ, რომ Synchro9-მ ზამთრის ოლიმპიურ თამაშებზე ISU-ს საციგურაო დისციპლინების ოჯახში დაიმკვიდრა ადგილი. ამ გადაწყვეტილებამ სინქრონული ციგურაობის ათასობით წარმომადგენლისა და მილიონობით გულშემატკივრის ოცნება აასრულა.

სპორტსმენებს ეძლევათ შესაძლებლობა, საკუთარი ნიჭი ზამთრის სპორტის უდიდეს სარბიელზე - 2030 წლის ალპების თამაშებზე წარმოაჩინონ.

Synchro9 აერთიანებს ყველაფერს, რაც სინქრონულ ციგურაობას ასე განსაკუთრებულს ხდის: გუნდურ მუშაობას, სიზუსტეს, კრეატიულობასა და მხატვრულ ერთიანობას.

ოლიმპიური პროგრამის გამრავალფეროვნებით, სინქრონული ციგურაობა ხელს შეუწყობს თამაშების დინამიკურობის, აქტუალურობისა და მომავალი თაობებისთვის შთაგონების შენარჩუნებას. მადლობას ვუხდით IOC-ს გამოცხადებული ნდობისთვის და მოუთმენლად ველით ამ ახალი ისტორიული ფურცლის ერთად დაწერას", - განაცხადა კიმმა.