დაკარის IV ახალგაზრდულ ოლიმპიურ თამაშებზე 10 ნოემბერს საქართველოს ოლიმპიური ნაკრები გუნდიდან ტაეკვონდოისტმა შოთა ზედგინიძემ და მძლეოსანმა ნინო გოგიტიძემ იასპარეზეს.

63 კგ-მდე წონით კატეგორიაში ზედგინიძემ მერვედფინალში სენეგალელ იბრაჰიმა ბეის ორივე რაუნდი მოუგო - 17:8 და 17:13. მეოთხედფინალში შოთა ზედგინიძე თურქ იბრაჰიმ ეფე დიუზელთან 0:2 დამარცხდა. დიუზელმა საბოლოოდ ბრინჯაოს მედალი მოიპოვა.

200 მეტრზე სირბილში ნინო გოგიტიძემ ნახევარფინალური გარბენი 27.44 წამში დაასრულა, მეხუთე ადგილი დაიკავა და ფინალის ბოლო საგზური დროის მიხედვით მოიპოვა. ფინალში ქართველმა მძლეოსანმა შედეგი გააუმჯობესა - დისტანცია 27.26 წამში გაირბინა და მეცხრე ადგილი დაიკავა.