სენეგალის დედაქალაქ დაკარში მიმდინარე IV ახალგაზრდულ ოლიმპიურ თამაშებზე საქართველოს ოლიმპიური ნაკრები გუნდის წევრი ემილ ისმაილოვი კრივში ოქროს მედლის მფლობელი გახდა.

55 კგ. წონითი კატეგორიის ფინალურ შეხვედრაში ემილ ისმაილოვმა ავსტრალიელი მარლი დოდი 5:0 დაამარცხა და საქართველოს IV ახალგაზრდულ ოლიმპიურ თამაშებზე პირველი ოქროს მედალი მოუპოვა.

ტურნირის პირველ შეხვედრაში ისმაილოვმა დომინიკელ მაიკლ რეიესს 4:1 მოუგო. მეოთხედფინალში ლიბანელ რამზი ჰილალს 5:0 სძლია და მინიმუმ ბრინჯაოს მედალი გაინაღდა.

ნახევარფინალში კანადელმა ლისანდრო გარსია რებელომ ხელის ტრავმის გამო ასპარეზობა ვერ შეძლო და ისმაილოვი პირდაპირ ფინალში გავიდა.

ეს არის ახალგაზრდულ ოლიმპიურ თამაშებზე ჩვენი სპორტსმენების მიერ მოპოვებული მეორე ოქროს მედალი. 2018 წელს ბუენოს-აირესში ჩემპიონი გახდა გიორგი ჩხიკვაძე( ბერძნულ- რომაული ჭიდაობა).