21 იანვარს, საქართველოს ეროვნულმა ოლიმპიურმა კომიტეტმა 2014 წლის პირველი აღმასკომის სხდომა ჩაატარა. დღის წესრიგით გათვალისწინებულ საკითხთაგან, უმთავრესი, სოჭის ზამთრის ოლიმპიურ თამაშებზე, საქართველოს დელეგაციის შემადგენლობის ოფიციალური დამტკიცება გახლდათ. დამსწრეთ ინფორმაცია სეოკ-ის ვიცე-პრეზიდენტმა მამუკა ხაბარელმა მიაწოდა, რომელიც ოლიმპიურ სოფელში ჩვენი გუნდის მისიის ხელმძღვანელი იქნება. დელეგაცია 19 კაცისგან შედგება. სპორტსმენები, მწვრთნელები, ოფიციალური პირები და ჟურნალისტები. გუნდი სოჭში ორ ეტაპად, 4 და 6 თებერვალს გაემგზავრება.

აღმასკომმა ასევე განიხილა სეოკ-ის წესდების მოთხოვნათა შესაბამისად საქართველოში დაფუძნებულ ეროვნულ ფედერაციათა აღიარების საკითხი და მხარი დაუჭირა საქართველოს ბავშთა და მოსწავლე ახალგაზრდობის სპორტის ეროვნული ფედერაციის, საქართველოს ჩერლიდინგისა და ხანშიშესულ სპორტის მოყვარულთა ორგანიზაციის აღიარებას.